بسم الله الرحمن الرحيم
طريقة عزل العربية من الداخل .. لعدم دخول العرس - الاتربة - سخونية الموتور .
- أولاً يتم فك التابلوه بالكامل من العربية عن طريق فك ال 3 صواميل ال 10 فى الصدر ناحية الموتور وفك ال 3 مسامير من داخل العربية فى الجهتين اليمين فوق علبة الفيوزات والشمال داخل درج التابلوه مسمارين بصواميل
- ثانياً فك اسلاك مفتاح الانتظار والنور ومروحة الريداتير وسلك الشفاط والولاعة واي اسلاك واصلة يتم فكها مع كتابه التوصيلات وترتيبها بورقة عشان متنساش وتعرف ترجع تركب كل حاجه زى ماكانت
- ثالثاً تقفيل الفتحات الموجودة بصدر العربية ( خلف التابلوه ) عند اي سمكرى لمنع دخول العرس بالعربية .
هتنزل المناصرة تجيب الخامات اللازمة لعزل صدر وارضيه وشنطة العربية بالكامل كالتالى :
- 3 متر فوم عرض 1 متر ( عازل صوت ومياه ) ( وشه لونه سيلفر - ظهرة لونه ابيض ) ده بيتم لزقة بصدر وارضية وشنطة العربية بالكامل بالغراء السريع ( الكلة ) سعر المتر منه من 13 : 15 جنيه .
- 1.5 متر لباد ( عازل حرارى ) يشبه بطاطين الجيش عرضه 2 متر سعر المتر 20 جنيه ويوجد خامه اعلى منه فى الجودة سعر المتر منها 50 جنيه وده بيتم فرشه فوق الفوم بأرضيه السيارة والشنطة بالكامل .
- علبة غراء سريع الكيلو ( الكلة ) ماركة الشعلة الأسبانى .
طبعاً قبل ماتشتغل .. هتفك كراسى العربية والكنبة بالظهر والتابلوه والشنطة تفضيها كلها يعنى العربية تبقى عالصاج .
- هتجيب علبة شيش لوك ( عازل للصدأ ) 1 كيلو تقريبا ب 40 جنيه وفرشاة دهان وزجاجة ثنر حامى لتخفيف الشيش لوك ( البيتومين ) .
- هتكنس ارضيه العربية كلها وتنضفها طبعا بعد ماتكون شلت فرش الارضيه كلها وتخليها زى الفل .
- تحط فى علبة تانيه شوية شيش لوك وتخففهم بشوية ثنر وتدهم صدر العربية والارضية والشنطة كلهم بالشيش لوك من جوه ومن بره العربية برضه هتعمل نفس الكلام بس بعد ماتكون غاسل العربية غسلة نظيفة ومفيش فيها طينه ولا رمل او تراب ونفس الكلام الكرتيرات اللى فوق العجل كل ده تقدر تغطيه بالشيش لوك عشان تحمى عربيتك من البارومه .
- بعد ما خلصت خلاص الكلام ده كله والعربية نشفت وبقت تمام .. هتجيب الفوم وتبدأ تدهن الارضية غراء سريع وتفرش عليها الفوم بعد ماتقطعه وتظبطه عالارضيه بالمقاسات المناسبه بحيث تغطى الارضيه كلها والشنطة بالفوم .
بعد لزق الفوم بصدر وأرضية العربية .. ده الشكل النهائى
وده مكان الكنبة اللى ورا برضه كلها بالفوم
وبرضه عشان منساش .. عند السمكرى خليه يقفلك فتحة المروحة اللى بتبقى فى الكابوت من قدام بحته صاجة وشيل المروحة خالص والغيها ملهاش اي 30 لازمة وبيدخل منها عرس للعربية
ودى شويه مواضيع تانية عن عزل العربية برضه بطرق مشابهه
طريقة تركيب أرضية جلد للسيارة و عوازل الصوت ( بنفسك )
المفيد فى عزل السياره الآكيد بالصور
تعالوا نعرف ازاي نحسن عزل العربية و نركب فرش جلد للأرضية
http://www.nilemotors.net/Nile/330705-a.htmlعزل صوت و حرارة عن fiat 128
http://www.nilemotors.net/Nile/373836-fiat-128-a.html
--------------------------------------------------------
