الخميس، 12 فبراير 2015

تعديل قواعد فانوس السيارة 128 من كليبسات بلاستيك لمسامير صلب

بسم الله الرحمن الرحيم

أكيد طبعاً كلنا بنعانى من موضوع الكليبسات البلاستيك اللى متثبت بيها الفانوس الامامى فى العربية كل شوية تتكسر والفانوس يبقى سايب وكل شوية نشترى كليبس بلاستيك نركبه وساعات بيتكسر وهو بيتركب .. سيبنا بقى من الكلام الفاضى ده وخلينا فى الكلام المهم .. احنا هنغير الكلام ده كله بأقل تكلفة وهنثبت الفانوس بمسامير زيه زى العربيات الحديثة عشان ميقعش ولا يتفك ولا اى مشاكل من الكلام ده .. ندخل فى الموضوع

يتم شراء الأتى : ( التكلفة كاملة لا تزيد عن 10 جنيهات )
  1. - عدد 6 مسامير 10 طول 5 : 8 سم اي طول لايقل عن 5 سم ( لكل فانوس 3 مسامير + 9 صواميل + 9 ورد )
  2. - عدد 18 صامولة 10
  3. - عدد 24 وردة 10 مقاس مناسب





- يتم ادخال كل مسمار به وردة 10 صغيرة جداً بكل رجل بالفانوس مكان الكلبس البلاستيك .
- الوردة الصغيرة جداً فائدتها لعدم خروج المسمار من مكانه برجل الفانوس .
- بعد ادخال المسمار يتم وضع وردة به ثم ربط صامولة 10 بالمسمار لتثبيته بالفانوس .
- يتم وضع صامولة اخرى وظيفتها رجلاش ( التحكم فى ارتفاع وانخفاض الفانوس ) ويتم بعد ذلك وضع وردة ليصبح الفانوس جاهز على التركيب فى صدر العربية .


- يتم الاستغناء عن الشاسيه القديم الخاص بكل فانوس ويتم فكه نهائياً .. وممكن تخليه برضه بس تشيل منه الرجول بتاعته وتخرم مكان المسامير فى الشاسيه .

- صدر العربية بيكون فيه عدد 2 خرم مناسبين مع المسامير لكل فانوس بالظبط اما المسمار الثالث فيتم تحديد مكانه وتعليمه بأي قلم او مسمار ويتم عمل ثقب ( خرم ) ببنطة 10 بشينيور ليتم كبس المسمار مكانه .

- بعد كبس الفانوس فى جسم العربية يتم وضع وردة من الناحيه التانيه وربط فوقيها صامولة 10 والتقريط عليها . 

 

----------------------------------------------- 

ودة فيديو برضه للأستاذ Mohamed Samir شارح فيه كل حاجه بالتفصيل



--------------------------------------------------------
يارب يكون الموضوع عجبكم ...

مع تحياتى
جميع الحقوق محفوظة لــ Monster Fiat 128 2016 ©